बीत गेलक रे पुरना साल तो

बीत गेलक रे पुरना साल तो
चईल गेलक रे पुरना साल तो
खुशियां लेईक आनंद लेईक
आई गेलक नवा साल रे ||4||

1. जीवन केर छोटे बड़े भूल चूक होवेल सेके
यीशु तो माफ करेला ।
नवा जीवन में हमरे नवा साल में
एक दूजे के माफ करब रे ||2||

2. यीशु हमर जीवन हेके जीवनकर ज्योति हेके
अंधकार में आउर कहे जाब ।
नवा जीवन में हमरे नवा साल में
उजियाला में कदम तो बढ़ाब ||2||

3. दुई दिनक जिंदगी रे यीशु सँगे चला तोरे
दुःब भी आनंद बनी रे ।
नवा जीवन में हमरे नवा साल में या
एक दूजे के प्यार देवब रे ||2||