चलव भाई जाबो गा चलव संगी जाबो गा (2)
बैएतलहम मा यीशु जनमे हे
सरग ला छोड़ के भुईयां मा आगे
चलव ना सीस नवाबो गा
1. परमेश्वर कर दूत हा आके, मरियम संग मा गोठीयाईस गा...
यीशु पुत्र ला जनम तैं देबे, जगत मा महान कहाही गा
मरियम माता गोठ ला सुन के खुशी के गीत ला गाईस गा
2. ए संदेश ला लेके संगी, जगत के छोर म पहुंचाबो गा
जनमे हे यीशु राजा भैया खुशी मा सब ला बताबो गा
आवा गाबो बजाबो गा संगी खुशी मा धूम मचाबो गा
3. सरग राज के रद्दा बतईया हमर प्राण के बचईया गा
यीशु हवय उद्धार करइया आये हे मरियम के कोरा मगा
मिल जुल के जाबो यीशु के तीर मा करबो सबो प्रनाम गा
Tags
छत्तीसगढ़ी गीत