यीशु जय जय गांवव तोर मैं सरन मा आयेव तोर

 यीशु जय जय गांवव तोर मैं सरन मा आयेव तोर

दे दे प्रभु मोला ज्ञान मैं आयेव प्रभु (2)

1. तोला पाये बर बिनती करथव तेला तैंहा सुन

अकेला मा गुनत रहिथव लगे रहिथे धुन

हम लईका अउ सियान (2)

लगायेन प्रभु म ध्यान

2. असम्भव ला सम्भव करइया, तैं यीशु महान

तोर महिमा ला जानेन प्रभु हम, देबो तोर बयान

हम अनपढ़ अउ अज्ञान (2)

दे दे प्रभु मोला ज्ञान

3. निर्बुद्धि ला बुद्धि देवइया होअत हवे तोर मान

प्रभु यीशु असन ये दुनिया मा नइये कोनो महान

हम भटके अउ अनजान (2)

दे दे प्रभु मोला ज्ञान