1. पैया लागौं यीशु तोर कीजै पाप छमा अब मोर
जनम जनम के पाप कमायेंव पूजेव देवी देवता
भेड़वा बोकरा जमेन्च पूजेंव करी जन - जन के नेवता
भड़गे जोहर होगे मोर, कीजे पाप छमा अब मोर
2. तिलक लगाव कंठी पहिरेव, छोड़ेव पीपर पानी
काग खियेंव अउ गुठीयायेंव, करु - करु मैं बानी
लकठा आएंव, सुनके सोर, कीजै पाप छमा अब मोर
3. भात खवाएंव कथा कराएंव, अउ नहाएंव गंगा
कांशी जा पण्डा ला खवाएंव फिर नंगा के नंगा
अड्बड़ खर्चा होगे मोर कीजै पाप छमा अब मोर
4. चला गा भाई तीर मा जाबो प्रभु यीशु के चरण
माया मोह ल छोड़ के करबो यीशु मसीह के बरनन
जिभिया विनय करे अब जोर कीजै पाप छमा अब मोर
5. बहुतेच भटकेव बहुतेच ठगाएंव भेड़ भरम मा पड़के
बर बिहाव के लागा छूटेंव, नागर बेचेंव घर के
जम्मो जुच्छा होगे मोर कीजै पाप छमा अब मोर
Tags
छत्तीसगढ़ी गीत