ओहरे कुड़खारो
एका तरा कादर
एंदेरगे राजिन
सुना नन्दर हो ।।2।।
1. कोंहा–कोंहा परेता टुंगुरी झरिया
निंग्गन मेखा
लगी मैया मन्न मास दरिया
अमा कला बरा
हिया किर्रा बई,
को एंदेरगे
2. भुंइहारी राजी घी बेःलय तीन बारदय
कोडकर खल्ल
उखड़ीति कूड़खय नीन बारकय
नन्ना तरा कालोय
धागर बारओय
इकला हूँ उबार
मना पोल्लोय को ।।2।।
3. अला जला आलर लोटा धरअर बरेचरं
निम्हैं ए–खनुम एंवदा उरूब मंज्जर केरर
इन्ना आर घी दिम
महल एड़पा
एरा निग्हैं
मंज्जा खमी एड़पा,
को ।।2।।
4. एंदरा लो मल्ला निंग्है ई बेलखा राजी नू।
ओन्ना खुर्जी
निन्दका सोना रूपा चाली नू
नन तरा अमा एरा
निग्है राजिन संवरआ
होलेम निम उबार
मनोर को ।।2।।
5. कुंडूख खोता निम होरमर दुलारती र:के
परिबा मनर
संभडार नखरनुम र:के
नन जइतर पेसा–पेसा मोख़ा गे पोल्लोर
होले कुंड़खर
उबार मनोर को ।।2।।