कलय बिटी कलय ससिराइर एड़पा एरके

 

को०- कलय बिटी कलय ससिराइर एड़पा एरके

    अयंग गही दुधी महबन, तुस्तआ अमके दिम

    बंग्गस गही ओहमारकन, नेवखत अमकेदिम

 

1. एका एडपा काला लगदी, आदिम निग्है ए–ड़पा

    इस्ट कुटुम्ब सइस ससुर, मनोर निग्है परिबा

    दुल्हा कनियाँ हंसा जुड़ी, एड़पा शोभओदिम

    होरमर घी जोलोजना, निमन पर्दआदिम ........कलय

 

2. खेखेल नु खीलपत हूँ, बरअर की घेरओ

    निम्है चोन्हन ए-रर की, ए-रोय आद हूँ हारओ

    चन्दो लेखआ, मुंही निम्है, मला मड़खोदिम,

    बहुबिरीत खर्जी निम्है, मला बओदिम

 

3. बिल्ली मनर कादी नीन, बिल्ली मनरं र:के

    तनी मनी उखा असन, रईः होले खेदके

    निम्है एड़पा चौगुड़दी, मानिम बिलचोदिम

    उखा आलर गे डहरे, नीम मनके दिम

    औरालरती उज्जना मनी हरियार का

    औरा लखी चाजरका

    पूंप खजपा झबरारका हरे ।।