के हमर संगी केउ नखें यीशु बिगर साथी हमर कहोंना

 

टेक:- के हमर संगी

    केउ नखें यीशु बिगर साथी हमर कहोंना

    जे संगे-संगे रहेना हमर अगुवाई

    जिन्दगी भइर करेना ।।2।।

 

1. दुनियां में ढेर हमर संगिया भेटालें ।।2।।

    संगे-संगे रहलैं खांलय पिलांय भागलैं

    दुखः बेरा कोई नहीं पूछलैं ।

 

2. अंधरिया दुनियां कोनो नहीं दिसेना ।।2।।

    जिन्दगी में हमर संग ओहे एगो संग-संग

    और कोई संगी नहीं दिसेना ।।2।।

 

3. जिन्दगी में पहाड़ लेखे मुशीबत आवेना ।।2।।

    ओहे एगो हमर संग आगे आवें करै जंग

    हमर दुखः दन्द के हटावेना ।।2।।

 

4. ऐसन कोनो क्षण कभी नहीं आवेना

    जे उनकर नाम लेल तुरन्ते संग भेल

    जीवन वरदान देवेला ।।2।।